Раде Баста – српскиот министер за економија предлага да се урне зградата на основното училиште „Владислав Рибникар“ во Врачар, во Белград, каде што беше извршен масакрот на 3 мај годинава, пишува „Нова.рс“.
„Повикувам на единство на власта и опозицијата, на местото на училиштето да се изгради спомен-парк за жртвите од училиштето за да остане нивниот спомен засекогаш. Да се урне сегашното училиште, а некаде во близина да се изгради ново училиште“, напиша Баста на Инстаграм.
Тој се повикува и на објава на РТС каде член на Советот на родители на ова училиште, Милена Васиќ, вели дека децата сакаат да се вратат на училиште, но не на истото место.
Во ова училиште се случи масакр, 13-годишниот Коста Кецмановиќ уби осум деца и училишниот чувар, а рани уште шест соученици и наставничката по историја.
МОЖЕБИ ЌЕ ВЕ ИНТЕРЕСИРА:
