Иранскиот претставник при Обединетите Нации, Амир Саид Иравани, преку формално обраќање до Советот за безбедност на ОН остро ги обвини Соединетите Американски Држави дека имаат директна улога во ескалацијата на немирите во Иран. Според него, мирните собири биле претворени во насилни акции, саботажи и масовен вандализам.
Во писмото се наведува дека Техеран го осудува, како што е наведено, „постојаното, незаконско и крајно неодговорно однесување на САД“, за кое тврди дека се одвива во координација со Израел. Според Иравани, ваквите активности претставуваат директно мешање во внатрешните работи на Иран преку закани, поттикнување тензии и свесно создавање услови за нестабилност и насилство.
Тој дополнително го обвини Вашингтон дека со ваквите постапки ги поткопува основните принципи на Повелбата на Обединетите Нации, со што, како што наведува, се нарушува меѓународното право и се доведува во прашање глобалниот мир и безбедност.
Во меѓувреме, протестите продолжуваат и на улиците на Техеран, иако интернетот во градот е во прекин повеќе од еден ден. И покрај предупредувачките СМС-пораки испратени до граѓаните со цел да се обесхрабри учеството, демонстрациите не престануваат, објави BBC.
Според податоците на американската организација Активисти за човекови права, досега во антивладините протести животот го загубиле најмалку 62 лица, додека повеќе од 2.300 демонстранти биле приведени од безбедносните сили.
МОЖЕБИ ЌЕ ВЕ ИНТЕРЕСИРА:
