Времето денеска ќе биде променливо облачно со повремени сончеви периоди, информираат од Управата за хидрометеоролошки работи (УХМР). Во текот на денот ќе дува слаб до умерен ветер од јужен правец, кој на места вдолж Повардарието повремено ќе засилува. Утринските температури ќе се движат меѓу три и 10 степени, додека дневните ќе достигнат од 17 до 27 степени.
За утре се најавува слично време – променливо облачно со услови за локален дожд и слаб до умерен ветер од југ. Дневната температура ќе биде во интервал од 20 до 25 степени.
Во наредните денови, според прогнозите на УХМР, ќе преовладува променливо облачно време со повремени врнежи од дожд. На одредени места се очекува нестабилност со пороен дожд, грмежи и засилен ветер. Локално врнежите ќе бидат поинтензивни, особено во петок.
