Шест лица загинаа, а 34 се повредени во тешка сообраќајна несреќа што се случи на патот меѓу Терни и Риети, на границата меѓу италијанските региони Лацио и Умбрија.
Според италијанските медиуми, тројца од повредените се во тешка здравствена состојба и се борат за живот.
Несреќата, според првичните информации од истрагата, се случила откако кампер возило преминало на спротивната коловозна лента и директно се судрило со туристички автобус. Во силниот удар учествувале и уште три патнички возила кои не успеале навреме да го избегнат судирот.
Во автобусот имало 20 патници кои патувале кон познатите водопади Марморе. Меѓу загинатите се возачот на автобусот, брачна двојка која се наоѓала во камперот и уште тројца патници од автобусот.
Италијанското обвинителство отвори истрага за да ги утврди точните причини за трагичната несреќа. Истражителите анализираат и видео-снимка од камера поставена во едно од возилата, која треба да помогне во реконструкцијата на моментите пред судирот.
МОЖЕБИ ЌЕ ВЕ ИНТЕРЕСИРА:
