Фудбалерите на Вардар официјално ги започнаа подготовките за пролетниот дел од сезоната. Првата фаза ќе се реализира во тренинг центарот на клубот, по што тимот ќе се пресели во Анталија, каде што ќе се одработи главниот дел од подготовките.
Екипата предводена од Гоце Седлоски на 13 јануари ќе отпатува во Сиде, Турција, каде што ќе престојува 21 ден. Во тој период „црвено-црните“ имаат планирано шест пријателски натпревари, со цел темелна проверка на формата пред продолжението на шампионатот.
Досега се потврдени пет контролни средби против екипите на Јаблонец, Мотор Лублин, Махачкала, Акхмат Грозни и Алашкерт, додека шестиот противник ќе биде дополнително договорен.
На стартот од подготовките, стручниот штаб не можеше да смета на африканските фудбалери, кои се очекува да му се приклучат на тимот во наредниот период.
Вардар моментално ја држи лидерската позиција во Првата македонска лига, а останува активен и во Купот на Македонија, што ја прави пролетната полусезона исклучително важна за клубот.
МОЖЕБИ ЌЕ ВЕ ИНТЕРЕСИРА:
