Во земјава денеска се одржува вториот круг од локалните избори, на кој граѓаните гласаат за градоначалници во 32 општини и во Градот Скопје. На три избирачки места во општина Шуто Оризари ќе се повтори гласањето и за советници.
Во овој круг на гласањето учествуваат двајца кандидати кои во првиот круг добиле најмногу гласови, а за градоначалник се избира кандидатот со поголем број гласови.
Според Изборниот законик, ако и по вториот круг не се изврши избор на градоначалник, изборната комисија во рок од 15 дена ја известува Владата, која потоа именува повереник за извршување на работите од надлежност на градоначалникот. Владата е должна во рок од 15 дена по именувањето на повереникот да го извести претседателот на Собранието за распишување нови избори.
Од Државната изборна комисија (ДИК) информираат дека првичните резултати од изборите добиени по електронски пат ќе бидат објавувани сукцесивно, а резултатите врз основа на записниците од општинските изборни комисии и Изборната комисија на градот Скопје ќе бидат познати во рок од 12 часа по затворањето на избирачките места.
Конечните резултати, пак, ДИК ќе ги објави веднаш по нивната конечност, а најдоцна во рок од 24 часа.
МОЖЕБИ ЌЕ ВЕ ИНТЕРЕСИРА:
