Поради два планирани зафати во водоводната мрежа, денеска без вода ќе останат корисници од повеќе улици во општините Центар и Чаир.
Во Општина Центар, поради уличен дефект на улица „Адам Мицкиевиќ“ бб, ќе биде прекинато водоснабдувањето за корисниците од улицата „Адам Мицкиевиќ“, вклучително и Основното училиште „Киро Глигоров“, како и делови од улиците „Козара“ и „Васил Ѓорѓов“.
Како што информираат од ЈП „Водовод и Канализација“ – Скопје, прекинот на водоснабдувањето ќе трае од 08:30 часот и ќе продолжи до целосно санирање на дефектот.
Во Општина Чаир, поради уличен дефект ф-225 мм на улица „Отокар Кершовани“ бб, без вода од 08:00 часот ќе бидат корисниците од улиците „Отокар Кершовани“, вклучително и Амбулантата „Бит Пазар“, како и улиците „Петре Георгиев“ и „Чаирска“. Водоснабдувањето ќе биде нормализирано по завршување на санацијата.
МОЖЕБИ ЌЕ ВЕ ИНТЕРЕСИРА:
