Полицијата од СВР Велес вчера и синоќа приведе три лица кои управувале возила без возачка дозвола, при што им биле одземени и автомобилите. Контролите биле спроведени на повеќе локации во градот и околината.
Синоќа околу 21:50 часот, на улицата „Петре Прличко“ во Велес, бил приведен 30-годишниот М.Г. од Скопје. Тој управувал патничко возило „мерцедес“ со скопски регистарски ознаки без да поседува возачка дозвола. По насоки на јавен обвинител, лицето било задржано во полициска станица, а возилото одземено.
Претходно, во 12:05 часот на улицата „Димитар Влахов“, бил приведен и 54-годишниот С.К. од Велес, кој управувал автомобил „матиз“ со велешки регистарски ознаки без дозвола за управување. И во овој случај возилото било одземено.
Третиот случај бил регистриран во 19:40 часот на магистралниот пат Езеро „Младост“ – Велес, каде што полициски службеници го привеле 22-годишниот Д.Ѓ. од Велес, кој управувал возило „БМВ“ без возачка дозвола.
По целосно документирање на настаните, против сите три лица ќе бидат поднесени соодветни пријави, информираат од СВР Велес.
МОЖЕБИ ЌЕ ВЕ ИНТЕРЕСИРА:
