Шпанија и пет латиноамерикански држави остро ја осудија воената операција на Соединетите Американски Држави (САД) насочена кон апсење на венецуелскиот претседател Николас Мадуро, оценувајќи ја како сериозно кршење на меѓународното право.
Владите на Чиле, Колумбија, Бразил, Мексико и Уругвај, заедно со Шпанија, изразија длабока загриженост за можните последици по регионалната стабилност и безбедноста во Латинска Америка.
Во заедничкото соопштение се наведува дека тие се загрижени од какви било обиди за наметнување надворешна контрола, управување или присвојување на венецуелските природни и стратешки ресурси. Според нив, ваквите потези директно го нарушуваат суверенитетот и територијалниот интегритет на Венецуела.
Потписниците потенцираат дека кризата во Венецуела треба да се решава исклучиво преку дијалог, без странско мешање и во согласност со волјата на венецуелскиот народ. Тие дополнително предупредија дека секој обид за преземање контрола врз државните институции или клучните ресурси претставува сериозна закана за меѓународниот поредок.
„Станува збор за опасен преседан во меѓународните односи“, се наведува во заедничката реакција на овие земји.
МОЖЕБИ ЌЕ ВЕ ИНТЕРЕСИРА:
