Владата и Министерството за одбрана денеска во касарната „Страшо Пинџур“ во Петровец ќе ги претстават првите 17 лесни оклопни возила „страјкер“, набавени од САД.
Станува збор за дел од поширокиот договор за модернизација на Армија на Република Македонија, кој се реализира преку соработка со САД на принципот влада-со-влада. Во рамки на оваа соработка се опфатени два типа возила – JLTV и STRYKER.
Од Министерството информираат дека досега се испорачани сите 96 JLTV возила, додека со оваа презентација се промовира првата испорака од 17 „страјкери“ од вкупно планираните 42.
На настанот ќе присуствуваат премиерот Христијан Мицкоски, министерот за одбрана Владо Мисајловски, началникот на Генералштабот, генерал-мајор Сашко Лафчиски, како и заменик-шефот на Мисијата на Амбасадата на САД, Никол Варнс.
Присутни ќе бидат и претставници од воениот врв, меѓу кои командантите на Командата за операции и Првата пешадиска бригада. Предвидено е обраќање пред медиумите да има премиерот Мицкоски.
МОЖЕБИ ЌЕ ВЕ ИНТЕРЕСИРА:
