Пешак е повреден во сообраќајна несреќа што денеска напладне се случила во центарот на Скопје, во близина на Жена парк.

Според информациите од Министерството за внатрешни работи, несреќата се случила околу 13:09 часот на улицата „Филип Втори Македонски“, кога патничко возило „шкода“ со скопски регистарски ознаки удрило во пешак.

На местото на настанот веднаш интервенирале надлежните служби и бил извршен увид, додека полицијата работи на утврдување на причините и околностите под кои се случила несреќата.

Засега не се соопштени повеќе детали за состојбата на повредениот пешак.