Познатиот композитор Тоде Новачевски, кој ги напиша најголемите хитовина Маријана и Росана, и ја испеа насловната тема од серијата „Трст виа Скопје“, како што е познато се упокои минатата недела во Австралија каде што долги години живееше.
Заслужен е за многу хитови што ги испејаа Маријана и Росана и не само тие. “А од љубов не се бега” од Зафира Хаџиманов ”Ако не исчезнам”, “Признавам”, “Има една судбина”, “Трст виа Скопје”, “Свири ми брате цигане“, се дел од нив.
Тоде до самит крај беше во одлични односи со својата поранешна сопруга Мријана, и беше татко на две деца, а подоцна и дедо на Ева која му е внука од синот Филип и снаата Анастасија, а инаку има и ќерка Магдалена.
Творечки опус на Тоде Новачевски опфаќа оркестарски, камерни, вокално-инструментални дела и кантата за хор. Неговото творештво е препознатливо по големиот опус на народни и забавни песни, скоро сите антологиски хитови.
Тоде Новачевски својот музичко-едукативен пат го проследува најпрво во средното музичко училиште во Битола. Потоа се запишува на наставно-теоретскиот оддел на Факултетот за музичка уметност во Скопје.
Две години подоцна, се запишува на одделот по композиција, во класата на Тома Прошев. На наставно-теоретскиот оддел дипломира во 1979 година, а на одделот по композиција во 1985 година.
Од 1979 до 1982 година работи во Музичката продукција на РТС, а од 1982 година работи најпрво како корепетитор, а потоа како наставник во ДМБУЦ „Илија Николовски-Луј“.
Подоцна се преселува во Мелбурн, Австралија каде живее и работи повеќе од 30години.
Тој даде интервју за svet-australia.com, и таму откри дека последниве години се бори со тешка бол-ест и раскажа за неговата борба да ја победи.
Авторот на интервјуто вели дека Тоде му ја покажал “птицата” што ја добил на подарок од болницата “Аустин” од од одделот на славната Оливиа Њутон – Џон, кој се грижи за пациенти заболени од кан -цер.
-Сепак, засега барем низ оваа моја последна животна епизода поминувам како да ми е почеток на еден нов, поубав и посреќен период, иако сум свесен дека е многу можно да не доживеам подлабока старост“, изјавил Новачевски.
Тој прозборел и зошто се разделил од Маријана:
Животот во Австралиа мене лиčно ме измени до тој степен, да се осеќав како губитник на кој не му успева апсолутно ништо, ни да си најди работа во својата професија, ни да го заштити своето семејство од разно разни глупости кои доаѓаа од примитивци кои не принудија да одиме дури и по австралиските судови.
Ете тоа мене лично ме направи неспособен за компромис и за пребродување на кризата во нашата врска. А јасно е дека без компромс, врски не постојат.“, рекол Тоде минатото лето.
-Рековме ЗБОГУМ . Сакам песно моја да те испеам сета болка своја, како солза да ја слеам….. Одлетај песно моја моја гулабице побарај ведро небо за мојот бол на срце.
Почивај во мир Тоде мој, таму некаде каде болки И премрезја не постојат“, напиша Маријана Новачевска на Фејсбук откако Тоде си замина во вечноста.
Со емотивни зборови, и синот Филип и ќерката Магдалена се простија од својот татко и рекоа дека засекогаш ќе бидат горди на него и среќни што го имале.
– До семејството и пријателите, со најтешко срце ја споделуваме тажната вест дека рано утрово поч ина татко ми Тоде Новачевски. Тато, иако те нема..
Никогаш нема да те заборавам. По чивај во мир, те сакам 1 септември 1956 година – 11 февруари 2022 година“, напиша синот Филип.
– Нашиот сакан татко, брат, син, вујко, пријател, творец на музичката историја, извонреден професор. Ќе ни недостига твојата нежност, ќе ни недостига твојот интелект, ќе ни недостасува твојата насмевка, ќе ни недостасува твојата емпатија.
Допре толку многу животи, ти направи историја. Со солзи и тага, ние сме толку благодарни и благословени што те имавме во нашите животи и ќе го цениме секој момент.
Почивај во мир тато. Се додека не се видиме повторно. Те сакаме повеќе отколку што зборовите можат да опишат“. Ова се зборовите на Магдалена, ќерката на Маријана и на Тоде.
За порталот ММС.мк, Маријана прозборе за тао дека по неговиот последен здив, таа била покрај Тоде во болница и му помагала во основните потреби кои не можел да ги изврши поради неговата слабост.
Маријана за ММС раскажала дека таа решила да му прости на Тоде за се, затоа што иако долго години не биле заедно, тие имале брак, имале љубов,деца и внука.
-Солзи, неговите молби за простување и дела многу му е жал, се кае и се чувствува виновен што се распадна нашата заедница. За овие 20 години колку што не сме во брак, се измачи и тој сам во животот многу.
Последните денови од неговиот живот ми ја распараа душата и ќе ги паметам додека сум жива. Секој ден додека одев во болница и додека не можеше да јаде и пие во хранев“, раскажа Маријана.
Таа исто така рекла дека докторот на крајот им рекол дека тоде не е контактибилен, не може да им одговори на зборовите, но се може да ги слушне.
Тогаш, Маријана му ставила слушалки на уши и му ги пуштала нивните заеднички најубави песни.
-Беше премногу слаб да реагира, само му течеа солзи низ образите. Плачеше тој, а плачев и јас“, изјави Маријана Новачевска.