Милан сериозно работи на изборот на нов тренер, а како главен кандидат за клупата на „росонерите“ во моментов се издвојува шпанскиот стратег Андони Ираола.
Според информациите на италијанскиот новинар Николо Шира, раководството на Милан му понудило договор до 2029 година, според кој Ираола би заработувал четири милиони евра по сезона.
Тренерот на Борнмут се очекува да го напушти англискиот клуб по завршувањето на сезоната, а интерес за неговите услуги покажале и Кристал Палас, Њукасл и Баер Леверкузен. Сепак, засега не е познато каде Шпанецот ќе ја продолжи својата тренерска кариера.
Покрај Ираола, во комбинација за клупата на Милан останува и поранешниот тренер на Барселона, Чави Ернандез. Според дел од италијанските медиуми, токму Чави е изборот што најмногу го поддржува Златан Ибрахимовиќ, кој има значајна улога во спортскиот сектор на клубот.
Во наредниот период се очекува Милан да донесе конечна одлука околу новиот предводник на тимот, кој ќе има задача да го врати клубот во борбата за највисоките цели во Италија и Европа.
МОЖЕБИ ЌЕ ВЕ ИНТЕРЕСИРА:
