Според Левица, и покрај интензивната изградба на станбени објекти во последната деценија, цените на недвижностите и кириите постојано растат, што, според нив, дополнително им го отежнува пристапот до сопствен дом на младите и на семејствата.
Од партијата сметаат дека државата треба активно да интервенира на пазарот преку изградба на јавен станбен фонд, изградба на достапни државни станови, регулирање на кириите и воведување даночни механизми за спречување на шпекулативното акумулирање недвижности.
Во соопштението се наведува дека Владата, и покрај двегодишното владеење, не понудила конкретни мерки за подобрување на пристапот до домување, ниту план за ограничување на растот на цените на становите и кириите.
Левица ги отфрла и критиките дека нивното противење на одредени детални урбанистички планови придонесува за станбената криза, нагласувајќи дека се спротивставуваат на, како што велат, урбанистички решенија кои ги фаворизираат интересите на градежниот капитал.
Од партијата порачуваат дека ќе продолжат да се залагаат за поактивна улога на државата во станбената политика, оценувајќи дека домувањето треба да биде основно право, а не привилегија зависна од финансиските можности на граѓаните.
МОЖЕБИ ЌЕ ВЕ ИНТЕРЕСИРА:
