Град Скопје продолжува со активностите за уредување и подобрување на јавните зелени површини, а најновите зафати се реализираат во паркот „Македонија“ 1, 2 и 3 во општина Карпош.
Од градските власти информираат дека во тек е поставување нова урбана опрема, меѓу која клупи и корпи за отпадоци, како и обновување и уредување на летниковците што секојдневно ги користат голем број граѓани.
Целта на активностите е да се подобрат условите за одмор, рекреација и престој во паркот, како и да се зачува неговиот уреден изглед. Од Град Скопје посочуваат дека парковите имаат значајна улога во урбаното живеење и претставуваат места каде граѓаните поминуваат квалитетно време во природа.
Надлежните служби и понатаму ќе продолжат со редовно одржување на зелените површини кои се под надлежност на Градот, со цел тие да останат чисти, безбедни и функционални за посетителите.
Од Град Скопје упатија апел до граѓаните одговорно да ги користат и да ги чуваат парковите и јавните површини, нагласувајќи дека заедничката грижа придонесува за почист и поуреден град.
Воедно, најавени се и нови инвестиции во зелената инфраструктура, со изградба на нови паркови и дополнителни зелени површини во повеќе делови од градот.
МОЖЕБИ ЌЕ ВЕ ИНТЕРЕСИРА:
