Воените дејствија во Украина се одвиваат и денеска. Русија соопшти дека нејзините сили „го стегаат обрачот“ околу Мариупол. Министерството за одбрана на Украина доцна синоќа соопшти дека „привремено“ го загубиле пристапот до Азовското Море, бидејќи руските сили го зајакнале притисокот околу главното пристаниште Мариупол.
– Окупаторите делумно успеаја во оперативната област Доњецк, привремено лишувајќи ја Украина од пристапот до Азовското Море, се наведува во соопштението на украинското Министерство за одбрана.
Мариупол, со својата стратешка позиција на брегот на Азовското Море, е цел од почетокот на војната на 24 февруари, кога рускиот претседател Владимир Путин ја започна, како што рече, „специјалната воена операција“.
Украина тврди дека убила уште еден руски генерал.
-Како резултат на нападот на непријателот, загина командантот на 8-та армија на Јужниот воен округ на вооружените сили на Руската Федерација, објави украинската армија на својот официјален профил на „Твитер“.
Украински официјален претставник изјави дека Русите гранатирале воена база во Миколајив, десетици загинати и ранети.
Украинскиот претседател Володимир Зеленски повика на итни мировни и безбедносни разговори со Москва, велејќи дека тоа е единствената шанса на Русија да ја ограничи штетата од грешките по инвазијата.
-Сакам сите да ме слушнат сега, особено во Москва. Време е за средба, време е за разговор, рече тој во видео обраќањето објавено во раните утрински часови.
Инаку, лидерите на САД и Кина, Џо Бајден и Шји Џјинпинг разговараа вчера околу случувањата во Украина.
МОЖЕБИ ЌЕ ВЕ ИНТЕРЕСИРА:
