Аргентина испиша неславна историја во големото финале на Светското првенство 2026, откако стана првата репрезентација во финален натпревар за трофејот која завршила без ниту еден директен удар кон противничкиот гол во регуларните 90 минути.
Беше очекувано Шпанија да има поголем посед на топката и да ја контролира играта, но од Аргентина се очекуваше многу повеќе. „Гаучосите“ требаше да најдат начин да создадат опасност пред голот на Унаи Симон, но во текот на целиот натпревар не успеаја сериозно да го загрозат шпанскиот гол.
Во првите 90 минути Аргентина немаше ниту еден упатен удар кон голот, што е редок случај во историјата на Мундијалите. Пред овој меч, само две селекции во историјата завршиле без шут во рамките на противничкиот гол во регуларен дел од мундијалски натпревар – Костарика против Бразил на Светското првенство 1990 и Костарика против Шпанија во 2002 година.
По примениот гол во продолженијата, Аргентина се обиде да реагира. Имаше неколку блокирани удари и една непрецизна завршница на Симеоне, но тоа не беше доволно да се промени впечатокот од финалето.
Анемичниот пристап на „гаучосите“ го разочара фудбалскиот свет, особено имајќи предвид дека стануваше збор за финале на Светско првенство и репрезентација предводена од Лионел Меси.
Шпанија целосно ја искористи својата доминација и заслужено стигна до светската титула, додека Аргентина ќе остане запаметена по негативниот рекорд во најважниот натпревар на Мундијалот.
МОЖЕБИ ЌЕ ВЕ ИНТЕРЕСИРА:
