Локалните избори 2025, кои се одржуваат во дел од општините на подрачјето на СВР Тетово, односно ОВР Гостивар и СВР Охрид, се одвиваат во мирна, фер и демократска атмосфера, информира Министерство за внатрешни работи преку својот официјален фејсбук профил.
Како што истакнува началникот на Секторот за односи со јавноста, Гоце Андреевски, во објавеното видео, МВР континуирано презема мерки и активности во рамки на своите законски надлежности со цел непречено и безбедно спроведување на изборниот процес.
Тој нагласува дека досега не се евидентирани инциденти ниту нарушувања на јавниот ред и мир. Воедно, упати апел до граѓаните и политичките партии да придонесат за одржување мирна и демократска атмосфера. Доколку се забележи какво било нарушување на изборниот процес, граѓаните се повикуваат тоа да го пријават во најблиската полициска станица или на телефонските броеви 192 и 112.
МОЖЕБИ ЌЕ ВЕ ИНТЕРЕСИРА:
