ВМРО-ДПМНЕ по повод 24 Мај – Денот на сесловенските просветители Свети Кирил и Методиј упати честитка во која истакна дека нивното дело претставува трајна вредност и темел на словенската писменост, духовност и културен развој.
Од партијата нагласуваат дека создавањето на глаголицата овозможило ширење на писменоста и просветата меѓу словенските народи, а нивната мисија оставила длабока трага во историјата и традицијата.
Во честитката се посочува и значењето на Свети Климент Охридски во развојот на кирилицата, која претставува основа на македонскиот јазик и писмо.
Од ВМРО-ДПМНЕ оценуваат дека делото на Светите Кирил и Методиј е нераскинлив дел од македонскиот културен и национален идентитет и претставува потсетник за важноста од зачувување на јазикот, традицијата и образованието.
„Да бидеме чувари на светлината што ја запалија Светите браќа Кирил и Методиј. Зачувувањето на нивното дело е чест и одговорност кон нашето минато, сегашност и иднина“, порачаа од партијата, честитајќи го празникот на сите граѓани.
МОЖЕБИ ЌЕ ВЕ ИНТЕРЕСИРА:
