Вчера околу 21:30 часот во селото Пирава, полициски службеници од СВР Струмица и ОВР Валандово ги лишиле од слобода С.Ј. (22) и Г.Т. (29), двајцата жители на селото.
При претрес во домот на С.Ј., извршен со судска наредба, полициските службеници ги затекнале двајцата осомничени во момент кога вршеле мерење на марихуана. При тоа биле пронајдени повеќе пакувања со марихуана, 110 семки од канабис, како и предмети со остатоци од наркотична материја. Дополнителен претрес бил извршен и во домот на Г.Т., каде исто така биле пронајдени пакувања со марихуана и предмети со траги од дрога.
Од преземените оперативни активности, полицијата дошла до сознанија дека со случајот се поврзани и К.М. (47) и Б.М. (23) од селото Јосифово. Со судска наредба биле извршени претреси во нивните домови, како и во деловен објект што го користел К.М., при што биле пронајдени повеќе пакувања со марихуана и хашиш.
Во рамки на сите претреси, полициските службеници одзеле околу два килограми марихуана и хашиш. Лицата се задржани во полициска станица, а за случајот е известен јавен обвинител од Основното јавно обвинителство Гевгелија. По целосно документирање на настанот, против сите четворица ќе биде поднесена соодветна кривична пријава.
МОЖЕБИ ЌЕ ВЕ ИНТЕРЕСИРА:
