Најпознатиот син на покојниот либиски лидер Моамер Гадафи, Сеиф ал Ислам Гадафи, е убиен, соопштија извори блиски до семејството, неговиот адвокат Халид ал-Заиди и либиските медиуми. Иако не обавувал официјална функција, тој долго време важел за најмоќна фигура во Либија по неговиот татко, кој владеел со земјата повеќе од четири децении.
Според агенцијата Ројтерс, Сеиф ал Ислам играл значајна улога во обликувањето на либиската политика и учествувал во високи дипломатски мисии. Тој ги предводел преговорите за да ја убеди Либија да се откаже од оружјето за масовно уништување и преговарал за компензација за семејствата на загинатите во бомбардирањето на летот 103 на „Пан Ам“ над Локерби, Шкотска, во 1988 година.
Во обид да ја промени меѓународната слика за Либија, Сеиф ал Ислам соработувал со западни држави, истакнувајќи ја важноста на уставот и човековите права.
Тој студирал во Велика Британија на Лондонската школа за економија и зборувал течно англиски, што го правело еден од најпознатите „лицa“ на либиската политика пред странските медиуми.
Сепак, кога во 2011 година во Либија избувна бунтот против режимот на Гадафи, Сеиф ал Ислам го поддржа своето семејство и власта, станувајќи клучен актер во силното задушување на протестите. Во тоа време тој јавно изјави дека ќе се бори „до последниот куршум“ и предупреди на можно уништување на целата земја доколку востанието продолжи.
Откако бунтовниците го зазедоа главниот град Триполи, Сеиф ал Ислам се обидел да избега од Либија преку соседниот Нигер, облечен како припадник на бедуинско племе.
МОЖЕБИ ЌЕ ВЕ ИНТЕРЕСИРА:
