Поради планирани технички зафати на електродистрибутивната мрежа, денеска делови од скопските општини Бутел и Центар ќе останат без електрична енергија, соопштија од ЕВН Македонија.
Во општина Бутел, прекин во снабдувањето со струја ќе има од 08:30 до 11:30 часот за корисниците од делови на улиците „Мара Маждуречка“ и „Ферид Бајрами“.
Во општина Центар, пак, без електрична енергија од 09:00 до 15:00 часот ќе бидат дел од објектите на улицата „Самоилова“, како и подрачјето околу Музејот на современа уметност.
Од ЕВН информираат дека прекините се резултат на редовни активности за одржување и унапредување на електроенергетската мрежа, со цел обезбедување посигурно и постабилно снабдување со електрична енергија.
На граѓаните им се препорачува навремено да ги организираат своите обврски и активности во периодот кога ќе траат прекините.
МОЖЕБИ ЌЕ ВЕ ИНТЕРЕСИРА:
