За само седум недели од воведувањето на новата услуга преку ЈКП „Кисела Вода 2022 – Скопје“, на подрачјето на Кисела Вода се собрани и соодветно депонирани над 80 тони кабаст отпад.
Од Општината информираат дека ваквите резултати ја потврдуваат оправданоста на мерката за организирано подигнување на стар мебел и друг габаритен отпад. Најголем интерес за услугата досега покажале жителите од населбата Драчево.
Граѓаните можат да го пријават отпадот на телефонскиот број 070/288-897, секој работен ден од 8 до 15 часот, по што екипите излегуваат на терен и го подигнуваат отпадот во рок од 24 до 48 часа.
Од локалната самоуправа апелираат до граѓаните на совесно одложување на отпадот, потенцирајќи дека одржувањето на чиста животна средина е заедничка одговорност.
МОЖЕБИ ЌЕ ВЕ ИНТЕРЕСИРА:
