Опозицискиот СДСМ утре ќе одржи партиски конгрес. Но, наместо свеченост и позитивен набој во партијата атмосферата е сериозно вжештена. Едноставно, по катастрофалниот пораз на локалните избори партијата кризира, па тензиите и препукувањата меѓу поранешни високи функционери и актуелното раководство стануваат се поизразени.
Претседателот Венко Филипче вчера дури посочи дека видни членови на партијата и функционери одработувале за ВМРО-ДПМНЕ.
Од друга страна, поранешниот градоначалник на Скопје, Петре Шилегов бара Филипче да си поднесе оставка, а со остар коментар се јави и поранешниот директор на ТИРЗ, Јован Деспотовски, кој напиша дека актуелното раководство на СДСМ е единствено одговорно за незадоволството меѓу членовите на партијата.
Во сетата таа внатрепартиска кавга и криза, Филипче се нафрли и на дел од медиумите дека неосновано и диригирано го напаѓаат СДСМ.
Ќе донесе ли утрешниот Конгрес смирување или разгорување на хаотичната состојбата во СДСМ, останува да се види.
