Времето денеска ќе биде сончево и топло со слаб до умерен ветер. Во западните делови ќе дува ветер од западен правец, кој повремено ќе засилува, додека долж Повардарието и во источните региони ќе преовладува југоисточен ветер.
Утринските температури ќе се движат од 7 до 16 степени, а дневните ќе достигнат од 27 до 34 степени.
Во Скопје ќе преовладува слично време – сончево и топло со слаб до умерен ветер, претежно од југоисточен правец. Минималната температура ќе изнесува околу 13 степени, а максималната ќе достигне до 34 степени.
Според најавите на синоптичарите, топлото време ќе се задржи во текот на целата седмица, со исклучок на вторник и среда кога се очекува преодна дестабилизација на атмосферата.
Во вторник се прогнозира локален развој на нестабилна облачност, додека во среда на повеќе места ќе има пороен дожд, грмежи и засилен ветер. Од четврток повторно се очекува стабилно и топло време.
МОЖЕБИ ЌЕ ВЕ ИНТЕРЕСИРА:
