Цените на нафтата денеска забележаа значителен пад на азиските берзи по објавата дека САД и Иран постигнале договор за прекин на воените дејства.
Нафтата од типот „Брент“ поевтини за 3,8 проценти и се тргуваше по цена од 84,02 долари за барел, додека американската лесна сирова нафта забележа пад од 4,1 процент, достигнувајќи цена од 81,40 долари за барел.
Веста за договорот првично ја објави Пакистан, кој посредуваше во напорите за ставање крај на конфликтот, а подоцна ја потврди и американскиот претседател Доналд Трамп.
Според Трамп, договорот предвидува и повторно отворање на Ормуската Теснина, една од најважните светски поморски рути преку која се транспортира значителен дел од глобалната нафта.
„Нека потече нафтата!“, порача Трамп преку својата социјална мрежа.
Ормуската Теснина беше практично затворена за пловидба по почетокот на воздушните напади на САД и Израел врз Иран на 28 февруари, што предизвика силен раст на цените на енергенсите на светските пазари.
Пред почетокот на конфликтот, нафтата „Брент“ се тргуваше по цена од околу 70 долари за барел. Во текот на борбите цената достигна и до околу 120 долари за барел, а најновите информации за прекин на непријателствата донесоа олеснување на енергетските пазари и пад на цените.
МОЖЕБИ ЌЕ ВЕ ИНТЕРЕСИРА:
