Како дел од засилените активности за сузбивање на сивата економија, Управа за јавни приходи најави широка контрола на деловни субјекти кои работат надвор од фискалниот систем.
Според официјалните податоци, дури 6.451 даночен обврзник кој е активен и има вработени, воопшто не поседува регистриран фискален уред. Станува збор главно за фирми од секторите трговија на големо и мало, угостителство, туристички услуги, како и правни и сметководствени дејности – области каде често се работи со готовина.
Дополнително, загрижува фактот што 3.115 од овие субјекти се регистрирани за ДДВ, што укажува на редовна деловна активност и потенцијален ризик од непријавување на промет.
УЈП информира дека идентификувала уште 13.966 даночни обврзници во истите дејности кои немаат фискални апарати, за кои ќе следуваат детални теренски контроли, вкрстување на податоци и дополнителни проверки со цел да се утврди евентуално прикривање на приходи.
Од институцијата предупредуваат дека доколку се утврди непријавување на промет и избегнување на даночни обврски, покрај прекршочни санкции, ќе бидат покренати и кривични постапки.
Исто така, непочитувањето на законските обврски може да резултира со високи парични казни и запечатување на објектите.
Од УЈП апелираат до сите даночни обврзници кои работат со готовина, а немаат фискален систем, веднаш да се усогласат со законските прописи преку набавка, инсталација и регистрација на фискални апарати.
Институцијата најавува дека ќе продолжи со засилен надзор со цел целосно почитување на законските обврски и намалување на сивата економија.
МОЖЕБИ ЌЕ ВЕ ИНТЕРЕСИРА:
