Според прогнозата на Управата за хидрометеоролошки работи, денеска не очекува променливо облачно време придружено со сончеви интервали. Во западните региони ќе има повремени локални врнежи од дожд, а ќе дува и умерен до засилен јужен ветер. Утринските температури ќе се движат од –1 до 6 степени, додека дневните ќе достигнат од 6 до 16 Целзиусови степени.
Во Скопје времето ќе биде слично – променливо облачно со сончеви периоди и со умерен до засилен југоисточен ветер. Температурите ќе варираат од 2 степени во утринските часови до околу 13 степени преку ден.
УХМР најавува дека утре ќе преовладува претежно облачно време со локални врнежи од дожд и слаб до умерен јужен ветер. Максималните температури ќе се движат меѓу 10 и 16 степени.
До сабота времето ќе биде претежно облачно со повремени врнежи од дожд, а најинтензивни врнежи се очекуваат во четврток. На повисоките планини ќе има услови за снег. Од четврток па во следните денови ќе дува северен ветер.
МОЖЕБИ ЌЕ ВЕ ИНТЕРЕСИРА:
