Норвешка ќе одвои 425 милиони норвешки круни, односно околу 40 милиони евра, за поддршка и зајакнување на енергетскиот систем на Украина во рамки на нов договор со Европската Унија.
Од норвешкото Министерство за надворешни работи соопштија дека финансиската помош е наменета за покривање на итните енергетски потреби на Украина, но и за поддршка на долгорочната реконструкција и модернизација на енергетската инфраструктура.
Во соопштението се наведува дека средствата ќе придонесат и за напредокот на Украина на патот кон европска интеграција и усогласување со стандардите на Европската Унија.
Норвешкиот министер за надворешни работи Еспен Барт Ајде истакна дека иако зимскиот период изгледа далеку, подготовките за обезбедување стабилно снабдување со енергија мора да започнат навреме.
Норвешка е меѓу земјите кои континуирано обезбедуваат политичка, финансиска и хуманитарна поддршка за Украина од почетокот на воениот конфликт.
МОЖЕБИ ЌЕ ВЕ ИНТЕРЕСИРА:
