Управа за хидрометеоролошки работи информира дека времето денеска ќе биде претежно облачно, со повремени и локални врнежи од снег.
Пообилни снежни врнежи се очекуваат во западните делови од земјата, каде што на планините и на дел од повисоките населени места снежната покривка може да се зголеми и до 25 сантиметри.
Утринските температури ќе се движат во интервал од -7 до 1 степен, додека дневните ќе бидат меѓу -2 и 5 степени Целзиусови.
Во Скопје врнежите од снег ќе бидат со послаб интензитет. Утринската температура ќе се спушти до околу -4 степени, а во текот на денот максималната температура ќе достигне околу 2 степени.
Поради врнежите од снег, појавата на мраз и можната голомразица, се апелира до возачите да бидат особено внимателни, особено при сообраќај на планинските превои и повисоките патни правци.
Од утре па сè до сабота се очекува стабилизирање на времето, со постепен пораст на температурите.
МОЖЕБИ ЌЕ ВЕ ИНТЕРЕСИРА:
