Министерство за внатрешни работи информира дека во рамки на засилена акциска контрола на подрачјето на Центар и Бит Пазар биле уапсени две лица од Скопје.
Контролата се реализирала во периодот од 19:00 часот на 13 февруари до 03:00 часот утринава. При акцијата биле проверени 24 лица, извршен бил преглед на 17 лица и контрола на четири возила.
Во текот на контролата биле евидентирани седум сообраќајни прекршоци, додека две возила биле одземени согласно член 378 и член 380 од Кривичниот законик.
Како што соопшти полицијата, лишени од слобода се С.С. и М.А., кои управувале патнички возила „мерцедес“ со скопски регистарски ознаки, поради основано сомнение за сторени кривични дела поврзани со прикривање на регистарските таблички.
Дополнително, констатиран е и еден прекршок по член 80 од Законот за оружје.
Од СВР Скопје најавуваат дека ваквите засилени акциски контроли ќе продолжат и во наредниот период.
МОЖЕБИ ЌЕ ВЕ ИНТЕРЕСИРА:
