Денеска се потпиша договорот за заем од Европската банка за обнова и развој во висина од 70 милиони евра, кои ќе се отплаќаат 15 години. Трасата треба да биде завршена најдоцна до 2024 година, а една година пдооцна треба да биде готова и втроата линија Бутел-Кисел Вода. За двете рути ќе има 50 хибридни автобуси, вели за Канал 5, градоначникот Шилегов.
-Проектот опфаќа воспоставување на две линии со коридори кои што се резервирани само за автобусите и тоа од Ѓорче Петров до Ново Лисиче и од Бутел до Кисела Вода. Со имплементација на првата фаза се очекува времетраењето на од сегашните 70 минути да се намали за повеќе од 50 проценти, да се зголеми фреквенцијата на автобуси на секои 3 до 4 минити на постојка, вели Петре Шилегов.
Според проценките, бројот на оние кои што ќе ја користат трасата Ѓ.П., Ново Лисиче би бил над 65 илјади граѓани дневно, а за целиот градски јавен превоз ќе има една интегрирана карта, дополни Шилегов. Постојките според планот треба да бидат на секои 600 метри, а двете траси ќе спојуваат во центарот на градот, со што граѓаните ќе можат да преминат од едното метро во другото.
-По неговата изградба значително ќе се подобрат услугите во јавниот превоз во однос на зачестеност капацитет и брзина на автобусите за граѓаните на градот Скопје, но ќе се намали загаденоста која е главен еколошки проблем,истакна Анди Аранитаси – Шев на ЕБОР во Македонија.
Градоначалникот Шилегов соопшти дека идејното сообраќајно решение веќе изработено од стручни лица од земјава, како и од Лондон, Белград и Брисел, што ќе се користи како основ за тендерот кој што треба да се спроведе претстојното лето.
МОЖЕБИ ЌЕ ВЕ ИНТЕРЕСИРА:
