Градоначалникот на Општина Прилеп, Дејан Проданоски, информира дека Ѓоко Јочкоски е именуван за нов директор на ЈКП „Водовод и канализација“ Прилеп.
Јочкоски е дипломиран машински инженер со долгогодишно работно искуство токму во ова јавно претпријатие, што, според Проданоски, претставува цврста основа за одговорно, професионално и посветено раководење во интерес на граѓаните.
„Очекуваме нови позитивни промени и унапредување на работењето на претпријатието, кое треба да продолжи да функционира како ефикасен и квалитетен сервис за сите прилепчани“, посочи Проданоски.
Тој воедно упати благодарност до досегашното раководство на претпријатието за вложениот труд, посветеноста и придонесот во досегашното работење.
Со ова именување, локалната самоуправа очекува континуитет во обезбедувањето квалитетни комунални услуги и подобрување на инфраструктурата во Прилеп.
МОЖЕБИ ЌЕ ВЕ ИНТЕРЕСИРА:
