Фудбалерите на Шкендија претрпеа минимален пораз од 1:0 на првиот натпревар од 1/16 финалето во УЕФА Конференциска лига против турскиот Самсунспор. Гостите и на дуелот во Скопје важеа за фаворити, а таа улога ја оправдаа и на теренот.
Самсунспор имаше одлична можност да поведе уште во 7. минута, но Шериф Ндијае не успеа да реализира пенал, испраќајќи ја топката покрај голот.
Одлуката падна во 77. минута, кога Мариус Муандилмаџи, кој влезе во игра само пет минути претходно, ја затресе мрежата и донесе предност за турскиот состав пред реваншот.
Вториот натпревар ќе се одигра на 26 февруари во Самсун, со почеток во 18:45 часот.
МОЖЕБИ ЌЕ ВЕ ИНТЕРЕСИРА:
