Во пунктот за вакцинација во поликлиниката „Јане Сандански„ денеска и утре се последните денови за вакцинација. Од четврток нема да се вакцинира, бидејќи нема веќе вакцини.
Во овој пункт се вакцинираше со дозите од руската вакцина „спутник В“ кои неодамна ги добивме – 3.000.
Според денешниот извештај од ИЈЗ, заклучно со вчера, вкупно се вакцинирани 6.704 здравствени работници со првата доза на вакцина против ковид, од кои 4.002 со „Фајзер/Бионтек“ и 2.702 со „спутник В“. Исто така, 2.572 лица веќе се вакцинирани и со втора доза од вакцината „Фајзер/Бионтек“.
Тоа значи дека од „спутник В“ остануваат нешто помалку од 300 вакцини, а тие ќе се пренаменат за вакцинирање на здравствените работници кои се ангажирани во новите ковид-центри кои се отворени поради зголемениот број на хоспитализирани.
Тоа би завршило денеска и утре и од четврток вакцинација не е планирана.
Во моментов траеше вакцинацијата на стоматолозите и фармацевтите, која сега се одлоѓува за кога ќе пристигнат следните пратки.
А кога ќе биде тоа, никој не знае. Министерот за здравство Венко Филипче неодамна најави дека до крајот на месецот ќе има вакцини од Ковакс- системот, и кинески, додека за „Фајзер“ меѓу редови призна дека се уште немаме договор , иако постојано се кажува дека сме ги нарачале.
Но, поучени од досегашното искуство, додека не видиме да се истоварат, не можеме да бидеме сигурни дека дошле.