СЕКОЈ родител го научил значењето на изреката „Деновите се долги, а годините кратки“. Родителството може да ве наведе да чувствувате дека некои фази, непроспиени ноќи и грижи се бескрајни, но гледајќи наназад, времето минува премногу брзо. Децата растат и постојано се менуваат, па затоа е тешко да се следат. Трепнуваш и одеднаш твоето бебе станува дете, твоето дете станува ученик, твојот ученик станува тинејџер, а твојот тинејџер станува возрасен.
Некои родители се обидуваат да се изборат со текот на времето со документирање на различни моменти, но со секое дете што минува тоа станува се’ потешко бидејќи животот станува се понапнат, а вие сте се повеќе зафатени со обврски.
Но, еден татко решил да започне од почеток и да направи евиденција за растот и промените на неговата ќерка, а резултатот е неверојатно прекрасен.
Секоја недела снимал по неколку секунди Холандскиот режисер Франс Хофмистер почнал да ја снима својата ќерка Лоте само неколку секунди неделно додека била новороденче. Ова веројатно го планираат многу родители, иако повеќето не се држат до тоа по некое време. Но, Хофмистер продолжил. Со снимање видеа, тој создал тајм-лапс на нејзиното растење, што постојано го привлекувало вниманието на онлајн заедницата бидејќи објавувал ажурирани компилации на секои неколку години.
Во 2019. година, Хофмистер споделил видео „Портрет на Лоте од 0 до 20 години“ во кое можеме да видиме како Лоте расте од доенче во возрасна за само пет минути. Видеото на луѓето им е изненадувачки емотивно, иако тие лично не ги познаваат.
„Сакав да го документирам процесот на растење и да создадам уметнички проект во кој сите би можеле да уживаме засекогаш“, споделил Хофмистер во друго видео. Истото видео го снимил и за својот син Винс. Во една статија во The Guardian, Хофмистер објаснил зошто решил да се посвети на проектот:
„Кога Лоте се роди, таа се промени толку брзо, а јас очајно сакав да ги задржам спомените недопрени. Како што знае секој родител, разликата помеѓу дете од два дена и два месеци е запрепастувачка. Други луѓе би можеле да направат книга со фотографии, но јас решив да снимам. Ова е најфотографираната и најснимана генерација досега, но што всушност правиме со овие слики? Тие само стојат во датотека на компјутерот. Сакав да се обидам да ја пренесам суштината на моите деца, како изгледаат за нас. Не ги гледаме често фотографиите што ќе ги направиме, не на ист начинот на кој уметникот би ги гледал неговите слики“.
Лоте сега има 22 години, а Хофмистер пред неколку месеци ја споделил годишната верзија на неговата компилација за растење. „Една од причините зошто проектот имаше такво влијание, мислам, е тоа што е многу трогателен“, напишал Хофмистер. „Луѓето се трогнати од тоа затоа што пренесува чувство на душа. Ми пишуваа за сопствените деца. Филмот директно ве тера да разберете за што се работи“.
Фото: Принтскрин/YouTube
МОЖЕБИ ЌЕ ВЕ ИНТЕРЕСИРА:
