Кога некој ќе каже „крвна слика“ или ќе спомне разни анализи, помислувате на бројот на крвни зрнца, нивото на шеќер или холестерол, крвниот притисок… Но, во нашето тело има и супстанца која ретко се мери, а вели многу за здравјето на метаболизмот.
Станува збор за уринска или мокрачна киселина, а неврологот д-р Дејвид Перлматер вели дека е најважниот, но најскриениот параметар на метаболичкото здравје.
Високото ниво на оваа киселина во крвта ќе ви донесе чувствителност или болка во зглобовите, но многумина не знаат дека тоа ќе го успори и вашиот метаболизам. Тој е одговорен за испраќање сигнал до телото дека наскоро ќе има „недостиг“ на вода и храна, што не е добро ако тоа се случува постојано. Ова е механизам за преживување низ кој телото треба да помине само во реални ситуации на загрозеност, а не „секогаш“ бидејќи имаме премногу киселина во телото што ја предизвикува оваа реакција. Тој ги дал најважните совети како да го забрзате метаболизмот!
Ограничете го внесот на фруктоза
Дури и овошјето го содржи овој шеќер и од него телото создава уринска или мокрачна киселина. Д-р Перлматер вели дека треба да внимавате да не јадете премногу слатко овошје како грозје, манго, ананас …
„Исто така, рафиниран шеќер, вештачки засладувачи и секој производ што содржи високо ниво на фруктоза. Знајте дека шеќерот често ќе се крие на етикетата на производот под име што нема да го разберете, па затоа најдобро е да го ограничите внесот на рафинирана храна кои го содржат, за да не се ризикува“, рекол тој.
Зголемете го внесот на зачини
Проблемот овде е нешто покомплексен – дури и ако не земете милиграм фруктоза, телото сепак ќе ја произведува. Производството на фруктоза е исто така еден од одбранбените механизми, а најчесто се случува кога не пиеме доволно вода или внесуваме премногу сол. Телото ќе се обиде да го балансира високото ниво на натриум со оптоварување на метаболизмот со производство на фруктоза.
Како тоа да го избегнете? Одговорот е во зачините кои ќе ги направат јадењата вкусни, но не се сол.
„Секој ден користам црн пипер, ѓумбир, куркума… Овие зачини не само што додаваат вкус за кој што не ви е потребна сол, туку секој од нив има свој корисен ефект врз здравјето“, вели тој.
Пијте повеќе вода
„Одговорот“ на превисокото ниво на натриум ќе биде внесувањето на поголема количина на вода, што донекаде ќе ја избалансира оваа ситуација во организмот.
„Солта не ви е забранета, но доколку ја консумирате, пијте повеќе вода и тоа ќе ви го забрза метаболизмот“, вели тој.
Зголемете го внесот на кверцетин
Станува збор за биофлавоноид кој „се бори“ против ензимите во нашето тело, ксантин оксидазата. Ксантинот помага во формирањето на урична киселина, а храната или додатоците на кверцетин ќе го држат под контрола.
Кверцетинот се наоѓа во јаболката, доматите и бобинките и треба да се зема најмалку 500 милиграми дневно.
