Фудбалерите на Пари Сен Жермен во реваншот од осминафиналето на Лигата на шампионите против Реал Мадрид пристигнаа со предност од 1-0 од првиот натпревар. Со голот на Килијан Мбапе поведоа на реваншот на Сантигао Бернабеу, а потоа примија три гола од Карим Бензема и испаднаа од натпреварувањето. Очајот во соблекувалната на богатиот париски клуб резултирал со тепачка меѓу играчите.
Според Marca, се’ започнало со критиките на Нејмар кон Џанлуиџи Донарума за грешката што му претходела на голот на Реал со 1:1. Италијанскиот голман му одговорил на Бразилецот, тензиите се зголемиле а расправата ескалирала. Имало и неколку удари пред да интервенираат соиграчите и да ја прекинат тепачката.
Уште еден инцидент
Да потсетиме, ова не беше единствениот инцидент што се случи по натпреварот во Мадрид. Шпанците напишаа и дека болниот пораз бил тежок за шефот на ПСЖ, Насер Ал-Хелаифи. Тој, наводно, го барал главниот судија Дени Меккели, кого се обидел да го упадне во соблекувалната. Откако не успеал да го пронајде, случајно влегол во канцеларијата на делегатката на Реал, Меги Дејвил.
Еден од вработените во Реал снимил се, а тоа го налутило шефот на ПСЖ. Ал-Келаифи, кој, наводно, му го исфрлил мобилниот телефон од рака, барал да ја избрише содржината и се заканил со зборовите „Ќе те убијам“.
МОЖЕБИ ЌЕ ВЕ ИНТЕРЕСИРА:
