Гостивар и натаму се соочува со сериозна здравствена состојба, откако во изминатите денови голем број граѓани со стомачни тегоби побараа лекарска помош. Поради континуираниот раст на бројот на заболени, епидемиолозите вчера официјално прогласија епидемија на територијата на градот.
Во текот на денешниот ден се очекува да бидат објавени резултатите од анализите на примероците земени од гостиварскиот водовод. Тие треба да покажат дали водата за пиење е причината за масовните здравствени проблеми или зад случајот стои друг извор на загадување.
Во меѓувреме, забраната за користење на водата за пиење останува во сила, согласно одлуката на Агенцијата за храна и ветеринарство донесена во петокот.
Основното јавно обвинителство ги очекува резултатите од лабораториските анализи за да одлучи за понатамошните чекори во истрагата. По наредба на јавен обвинител, локацијата во Вруток и понатаму е обезбедена додека трае истражната постапка.
МОЖЕБИ ЌЕ ВЕ ИНТЕРЕСИРА:
