Американскиот државен секретар Марко Рубио соопштил пред пратениците дека САД нема да дозволат лица поврзани со Корпусот на Исламската револуционерна гарда (ИРГЦ) да бидат дел од иранската делегација на претстојното Светско првенство.
Тој нагласил дека, и покрај строгите безбедносни мерки и политичките тензии меѓу САД и Иран, американските власти немаат проблем со влезот на иранската фудбалска репрезентација и нејзиниот стручeн штаб на територијата на земјата.
Според најавите, Иран ќе ги игра своите натпревари во Соединетите Американски Држави за време на турнирот, но во текот на натпреварувањето ќе биде сместен на територијата на Мексико.
Рубио на сослушување пред комисијата на Претставничкиот дом изјавил дека САД ќе спроведуваат строга контрола врз составот на иранската делегација, со цел да се спречи учество на лица кои немаат директна спортска улога или се поврзани со ИРГЦ.
„Она што нема да го дозволиме е вклучување на лица во делегацијата за кои знаеме дека немаат никаква врска со спортот или се поврзани со ИРГЦ или слични структури. Ќе го следиме тоа многу внимателно“, истакнал Рубио.
Иранската репрезентација на Светското првенство ќе се соочи со селекциите на Белгија, Египет и Нов Зеланд, во група која се очекува да донесе голема конкуренција и неизвесност.
МОЖЕБИ ЌЕ ВЕ ИНТЕРЕСИРА:
