Оние кои се „посреќни“ и на овие пеколни температури се поблиску до море, река или езеро, ја имаат можноста за моментално освежување. Но, треба да се биде внимателен!
Без разлика колку ви е топло и колку сте нетрпеливи, ненадеен скок во вода на високи температури може да резултира со трагични последици. Сè поради ефектот што во лекарската професија се нарекува „ладен шок“ и кој е потенцијално фатален.
Ладниот шок е одговор на вашето тело на ненадеен контакт на (загреано) тело со ладна вода. Што точно се случува во телото при појава на студен шок, открива хрватскиот кардиолог Дражен Шебетиќ.
„По изложување на високи температури, крвните садови – артериите и вените – се шират. Кога ненадејно влегува во вода која е многу студена или поладна од воздухот, телото реагира на спротивен начин и наеднаш ги стиска крвните садови. Ова потенцијално доведува до спазам, стегање на крвните садови и зголемување на оптоварувањето со притисок на срцето, што кај срцевите пациенти или лицата кои страдаат од притисок може да доведе до акутна срцева слабост и ненадејна смрт“, вели докторот.
Секој мора да се грижи за себе, не само луѓето кои се свесни за своите проблеми со срцето или постарите. Повеќето жртви на студен шок се на возраст под 30 години, покажува статистиката. И тие се главно од машки пол.
Затоа, пред да влезете во зоната за освежување:
– испрскајте со вода и намалете ја телесната температура
– никогаш не скокајте или не се затрчувате во вода веднаш по сончање
– пијте многу течности и користете заштитен фактор
– не влегувајте во вода најадени, со полн стомак
Во „ладен шок“, основното правило е да се игнорира природниот човечки инстинкт за преживување и да се прекине со панично пливање. Во случај на „ладен шок“, едноставно лебдете 60-90 секунди. Откако температурата на телото и дишењето ќе се стабилизираат и потоа можете повторно да пливате.
МОЖЕБИ ЌЕ ВЕ ИНТЕРЕСИРА:
