Во текот на ноќта во Скопје се запалил автомобил „ауди“, а пожарот зафатил и три други возила паркирани во непосредна близина.
-На 9.3.2022 во 3:20 часот било пријавено дека на улица ’Петре Пирузе‘ во Скопје настанал пожар во патничко моторно возило ’ауди‘ со скопски регистарски ознаки, сопственост на правно лице, а паркирано од Ј.Ш. Од пожарот зафатени биле и патнички моторни возила ’пасат‘, ’матиз‘ и ’нисан‘ со скопски регистарски ознаки, сите сопственост на Д.М. (53). Се врши увид и се работи на расчистување на случајот, велат од МВР.
Според неофицијални информации, „аудито“, во сопственост на правното лице Едукативен центар „Џуниор“, го користела сопругата на екс-градоначалникот на Скопје, Петре Шилегов.
Увидот треба да покаже дали станува збор за подметнат пожар.
