Србија реши да ја изземе Македонија од забраната за извоз на природен гас со што ќе бидат обезбедени потребите за овој енергенс за училиштата и болниците во наша земја. Ова синоќа на својот профил на Фејсбук го објави македонскиот премиер Димитар Ковачевски, без да наведе за колкави количини станува збор.
Како што пишува Ковачевски, по интензивна комуникација со српската премиерка Ана Брнабиќ, официјален Белград реши да ја изземе Македонија од забраната за извоз на природен гас.
-Преку политиките на добрососедство, тесната соработка во рамки на „Отворен Балкан“, но и партнерскиот однос, во време на енергетска криза обезбедуваме поддршка онаму каде најмногу треба – компресиран гас за училиштата и болниците во многу градови низ земјата, напиша Ковачевски на Фејсбук.
Минатата недела, Србија забрани извоз на гас. Привремената мерка беше воведена со важност до крајот на месецот за да се обезбеди сигурно снабдување на српскиот пазар и да се спречи можна штета по економијата и граѓаните.
Во времето на пандемијата Белград му помогна на македонското население за вакцинирање, па потоа околу набавка на важни прехрамбени продукти… Тоа е добро, но не е добро ако на нашите политичари им стане навика само да одат и да се молат за помош низ регионот.
МОЖЕБИ ЌЕ ВЕ ИНТЕРЕСИРА:
