Кривичниот совет на Основниот кривичен суд Скопје ја одби жалбата поднесена од одбраната на судијата Ѓоко Ристов и го потврди решението со кое му е определена мерка куќен притвор.
Одлуката е донесена по разгледување на жалбата со која се бараше укинување на мерката, а Советот оценил дека и натаму постојат законски основи за нејзино продолжување.
Случајот предизвика силен јавен интерес откако во рамки на обемна истрага, во семеен имот во Неготино, беа пронајдени 350.000 евра во готово, скриени во ѕид од објект. Откривањето на ваква сума готовина беше резултат на полициска акција, по што Ристов се најде во фокусот на јавноста и институциите.
Истрагата за потеклото на пронајдените средства продолжува, а надлежните органи најавуваат дополнителни процесни дејствија во рамки на постапката.
МОЖЕБИ ЌЕ ВЕ ИНТЕРЕСИРА:
