Раскинувањата се секогаш болни, а она што може подеднакво или уште повеќе да боли е ситуацијата во „пријателската зона“ во која некој близок зборува за својот љубовен живот без воопшто да биде свесен за вашите чувства.
Ако некој ви се допаѓа, па дури и сакате некого, но сте „заробени во пријателска зона“, сепак постојат начини да се ослободите и да создадете шанса за врска.
Не барајте внимание очајно
Ако вложувате многу во врска и повеќе ја цените, другата личност може да ве сфати лесно и да обрне помалку внимание на вашите потреби затоа што трошите премногу време на задоволување на другите. Не мора да се однесувате толку очајно барајќи внимание, обидете се да се повлечете малку и барем да се правите незаинтересирани.
Направете се приоритет
Не плашете се да го поминувате времето сами, дури и ако понекогаш ве боли. Дајте и простор и можност на другата личност да и недостасувате за да разбере колку вредите. Времето можете да го поминете фокусирајќи се на други аспекти од вашиот живот, кариера, хоби, семејство, пријатели и слично. Затоа, другата личност ќе почувствува потреба да се приближи до вас.
Излегувајте почесто
Ако вашиот свет досега се вртеше околу потребите на одредена личност, а вие не успевате да го добиете за себе, обидете се да играте на картата на љубомора. Почнете почесто да се дружите со други луѓе, саканата личност би можела да сфати што и недостасува. Вистина е дека луѓето почнуваат да ја сфаќаат вредноста на другите само кога ќе ги изгубат. Ако саканото лице покаже знаци на љубомора, ќе знаете дека трикот успеал.
Барајте услуги
Ако побарате услуга, индиректно барате од лицето да инвестира време и енергија во вас. Теоретски е докажано дека ќе бидете попривлечни, и колку повеќе тие инвестираат во вас, толку повеќе ќе им значите. Не се фокусирајте само на нивните потреби, време е да побарате нешто за вас.
Комплименти и отвореност
Да се кажат убави зборови е корисно, но не е доволно. Треба да покажете колку се грижите за одредена личност, да и помогнете во вистинско време и да бидете поддршка. Исто така, не срамете се да кажете на суптилен начин како се чувствувате. Сепак, внимавајте да не бидете секогаш достапни за да не ве сфатат за лесна личност.
Нека посакаат повеќе
Можеби треба да размислите отворено да кажете како се чувствувате, бидејќи среќата ги придружува храбрите. Сепак, не зборувајте премногу за време на првиот разговор, направете пауза неколку дена и дајте му време на лицето да размисли за сè и да посака нов разговор.
