Под мотото „Стоп за сообраќајното насилство“, неколку стотина граѓани, претежно од Радовиш, се собраа денеска напладне на мирен протест на раскрсницата на булеварот „Партизански одреди“ кај „Сити мол“, во знак на револт поради прерано згаснатиот живот на Викторија Николова, која на 20 овој месец беше прегазена од автомобил. Со транспаренти и маички „Почивај во мир, ангелу наш“ и „Стоп за сообраќајното насилство“ присутните ѝ оддадоа почит. Сликата беше траорна. Со солзи во очите и неверување, роднини и пријатели на трагично загинатата Викторија палеа свеќи на местото на настанот
Под мотото „Стоп за сообраќајното насилство“, неколку стотина граѓани, претежно од Радовиш, се собраа денеска напладне на мирен протест на крстосницата на булеварот „Партизански одреди“ кај „Сити мол“ во Скопје, во знак на револт поради прерано згаснатиот живот на Викторија Николова, која на 20 овој месец беше прегазена од автомобил. Со транспаренти и маички „Почивај во мир, ангелу наш“ и „Стоп за сообраќајното насилство“ присутните ѝ оддадоа почит.
Сликата беше траорна. Со солзи во очите и неверување, роднини и пријатели на трагично загинатата Викторија палеа свеќи на местото на настанот. Лиле Николова, помалата сестра на Викторија прочита емотивен говор со порака да престане сообраќајното насилство и начинот на кој се третирани пешаците и сите учесници во сообраќајот кои се придржуваат до правилата.
Собирот го организираше дечкото на Викторија, Леонид Даов, кој беше лесно повреден во истата сообраќајна несреќа.
Кривичниот суд по жалбата од одбраната одлучи 21-годишниот возач, кој ја прегази Викторија, да остане во притвор.
Викторија не е последната жртва. По нејзиното загинување, на скопските улици животот го остави уште еден човек на булеварот пред мостот „Гоце Делчев“ кој беше прегазен од џип.
Претходниот ден, 48-годишен маж загина во сообраќајка во Ново Лисиче во близина на центарот „Лиса“, а тешко беше повредена неговата ќерка. Според првичните сознанија, до несреќата дошло при судир на два автомобила – „рено“ управувано од 21-годишен скопјанец и „фолксваген поло“ со кое управувал 48-годишен жител на Стајковци. Во несреќата, возачот на автомобилот „фолксваген“ се здобил со тешки телесни повреди на кои им подлегнал на самото место.
По двете сообраќајки со усмртени пешаци и сообраќајката во Ново Лисиче, за само неколку дена, вчера имаше уште една, но за среќа возачот и неговата сопатничка останале живи. Од МВР известија дека автомобил изгубил контрола и удрил во канделабра на улица „Борис Трајковски“ во Скопје, двајца повредени.
– На 29.1.2022 во 23:30 часот на ул.„Борис Трајковски“ во Скопје патничко возило „мерцедес“, со скопски регистарски ознаки, управувано од Д.А.(47) од Скопје изгубил контрола и удрил во канделабра. По незгодата, Д.А. и неговата сопатничка А.А.(44) од Скопје биле пренесени во Градска општа болница „Св. Наум Охридски“ каде што од страна на лекар им биле констатирани повреди. Увид на местото извршила екипа од СВР Скопје – се вели во известувањето од МВР.
Главна причина за ваквите сообраќајни несреќи е возењето повеќе од дозволената брзина. МВР секојдневно спроведува акциски контроли по скопските улици и изрекува казни. Завчера биле изречени вкупно 191 мерка, меѓу кои за возење повеќе од дозволената брзина – 58 санкции, 20 мерки за возење без возачка дозвола, пет санкции за технички неисправни возила. Изречени се и четири мерки за возач почетник, пет санкции за зборување на мобилен телефон, пет мерки за минување на затворен сигнал црвено светло, 26 санкции за управување под дејство на алкохол.
МОЖЕБИ ЌЕ ВЕ ИНТЕРЕСИРА:
