Времето денеска ќе биде сончево и топло со мала до умерена облачност, а во попладневните часови постои можност за изолирана појава на краткотраен пороен дожд, грмежи и засилен ветер, информираат синоптичарите.
Ќе дува слаб до умерен ветер од северен правец. Утринските температури ќе се движат од 9 до 16 степени, додека дневните ќе достигнат меѓу 24 и 32 степени Целзиусови.
Во Скопје се очекува претежно сончево и топло време со мала до умерена облачност и слаб до умерен северен ветер. Температурата ќе се движи од минимални 15 до максимални 31 степен.
Од Управата за хидрометеоролошки работи најавуваат дека и во наредните денови ќе се задржи променливо облачно време со сончеви периоди во претпладневните часови, додека попладне ќе има услови за развој на нестабилна облачност проследена со пороен дожд, грмежи и засилен ветер.
Во поголем дел од земјата ќе дува умерен до засилен северен ветер со брзина над 40 километри на час.
Најизразена нестабилност се очекува во четврток, кога на повеќе места ќе има пороен дожд, грмежи и силен ветер. Локално се можни и поинтензивни временски непогоди со обилни врнежи, електрични празнења, ветер со брзина над 60 километри на час и услови за појава на град.
МОЖЕБИ ЌЕ ВЕ ИНТЕРЕСИРА:
