На самиот почеток на 2022 година, кралицата Летиција е подготвена за моден сјај – и тоа во прекрасни стари фустани
Летиција и Фелипе, кралската двојка на Шпанија, приредија традиционален прием во палатата Зарзуела, каде што беа домаќини на дипломатски претставници од бројни земји. Како што обично се случува кога станува збор за шпанската кралица, Летиција повторно ни покажа зошто важи за една од најдобро облечените жени во Европа (и пошироко).
„Кралицата на модното рециклирање“ често одлучува да носи веќе видени парчиња од нејзината гардероба, а има толку пати евтини, небрендирани парчиња облека – и таа секогаш наоѓа начин да изгледа совршено.
Сепак, овој пат таа се одлучи за едно носено парче, но од плакарот на – нејзината свекрва.
Ова не е прв пат Летиција да направи модно изненадување, бидејќи токму минатиот септември актуелната кралица носеше креација од гардеробата на поранешната шпанска кралица Софија.
Сега во Зарзуела носеше прекрасен винтиџ фустан од 1977 година, потпишан од Валентино, а изгледа како божествена комбинација од макси-крој здолниште и блуза со цветни мотиви. Розовата боја и цветните везови се совршен контраст на зелената боја на долниот дел од фустанот, а со оваа креација ги искомбинира и своите обетки од рубин и смарагд, со потпис на брендот Tous Jewelry.
Фото: printscreen/Instagram
МОЖЕБИ ЌЕ ВЕ ИНТЕРЕСИРА:
