Алиша Кис го прослави својот 41 роденден, а во описот на фотографијата која ја објави на својот Инстаграм ги изненади многубројните фанови.
Таа се заблагодари што е жива и вели дека ја слави секоја секунда од животот.
Иако во својата успешна кариера освои 15 Греми и е горда мајка на две деца која досега има продадено 35 милиони албуми и 30 милиони синглови, оваа роденденска порака многумина потсети на нејзиниот тежок живот.
„Јас сум личноста која не требаше да успее. Требаше да завршам како проститутка, млада мајка на 16 деца или зависник од дрога. Јас сум само таа што требаше да се најде на погрешно место во погрешно време “, изјави пејачката во едно од интервјуата кои ги даде во својата богата кариера.
Признала и дека музичката кариера ја спасила од пеколот на дрогата, проституцијата и лошиот живот. Таа пораснала во њујоршката населба позната како Пеколна кујна, која имала најмногу проституција во градот во тоа време. Таа тврди дека уште од мала била сведок на тажни човечки приказни.
Таа изби на сцената во 2001 година со синглот „Fallin“ и често истакнуваше дека никогаш не заборавила од каде доаѓа.
