Менди Бордмен од сојузната држава Индијана била во брак седум години, а потоа пред неколку години сфатила дека се чувствува многу лошо, дека станала заборавна и се чувствува страшно уморно. Кога една вечер го фатила сопругот како „и го уништува животот“, ја сфатила страшната вистина. Ова е нејзината приказна.
Имено, се започнало како класична љубовна приказна, а животот му го доверила на човекот кој искрено го сакала. Првите неколку години имале среќен брак, а потоа почнало разделувањето и станале стереотипно семејство.
„Поминаа седум години од нашата венчавка, а јас одеднаш почнав да имам проблеми со меморијата. Освен тоа, постојано бев уморна. Ми се случуваа чудни ситуации и немав поим како. Да речеме, една вечер се разбудив со апче во устата. Не се сеќавав дека го земав. Некоја друга вечер се разбудив гола, што е чудно бидејќи никогаш не спијам гола. Почнав да се грижам дали ќе се претворам во месечар“, рекла Менди.
Сè почесто наутро чувствувала чудно чувство во устата, многу чудно. Таа го споредила со неуспешен обид да се проголта аспирин. Била убедена дека нешто не е во ред со нејзиното здравје, а потоа вистината излегла на виделина.
„И’ тогаш една ноќ се разбудив и го најдов мојот сопруг како стои над мене. Во едната рака имаше нешто чудно, а во другата држеше батериска ламба насочена кон моето лице. Кога виде дека сум будна, се обиде да скрие нешто под душекот.По многу туркање успеав да го оттурнам и да видам што е.Тоа беше сад со некоја матна течност. Го прашав што е. По многу дискусија се скрши и ми призна дека мешал седативи и апчиња за спиење и ми ги давал додека спијам. Збунета го прашав зошто ми дава таблети за спиење кога веќе спијам. Му реков да не го прави тоа повеќе, тој рече дека нема и јас му поверував“, рекла таа.
Тие и понатаму останале во брак. Повторно го фатила неколку пати да и дава течност. Таа го молела да престане, но тој ја уверувал дека ќе го стори тоа и дека тоа го прави со најдобра намера. Потоа еден ден го заборавил телефонот дома и таа открила страшна вистина.
„Гледав што беше на телефонот и го видов она што никогаш не го очекував: снимка од мојот сопруг како има секс со мене додека спијам во длабок сон. Имаше вкупно три такви видеа и на секое изгледав како мртва.
Како не знаев дека ова ми се случува? Како не се разбудив? Тогаш ми стана јасно – се има врска со таа матна течност. Ми ја даваше за да не се разбудам. Колку пати се случило ова? Немам идеја. Бев ужасната и исплашена. Чувствував дека нешто не е во ред, но не знаев што.
Си ги префрлив снимките за да имам резервни копии и потоа му кажав на мојот сопруг дека знам се. Се однесуваше како да не направил ништо посебно, а потоа ме манипулираше уверувајќи ме дека и онака никој нема да ми поверува, дури и да ги покажам сликите“, изјавила Менди, откривајќи дека набрзо се развела и дека тој се иселил.
Таа го продолжила животот далеку од него, редовно одела кај психолози и читала книги за самопомош. Меѓутоа, еден ден децата морале да одат кај својот татко. Бидејќи синот бил во рекреативниот центар, ќерката требало сама да го посети. Таа ситуација ги разбудила духовите од минатото во Менди.
„И одеднаш, кога тоа ме вознемири, конечно сфатив дека тоа што ми го правеше е апсолутно погрешно. И ако такво нешто можеше да го направи на својата жена би можел и на ќерката. Морав на сите да им докажам каков монструм беше. Копијата од снимката ја донесов во полицијата и кажав сè. Следните три години се борев на суд со човек на кој еднаш одамна му го доверив животот.
Конечно, пролетта минатата година стигна пресуда – осуден е за силување и девијантно и криминално однесување. Конечно се ослободив од неговите лаги и манипулации. Конечно бев заштитена како моите деца. Барем јас така мислев“.
Тој беше осуден на домашен притвор, а Менди не била задоволна од пресудата. Нејзиниот поранешен сопруг подоцна бил обвинет за многу други работи, вклучително и поставување камери во јавен женски тоалет.
И после сето тоа, оваа жена се уште се бори со депресија. Се труди да биде весела но не секогаш успева. Бидејќи таа сигурно не е единствениот случај и жртва на нејзиниот сопруг, таа одлучила јавно да проговори со цел да ги поттикне другите жени да соберат храброст и да стават крај на злоставувањето.
Фото: Принтскрин/YouTube
МОЖЕБИ ЌЕ ВЕ ИНТЕРЕСИРА:
